:Nota bene:
...
:Hellukonur:
...
:Hellumenn:
...
:Krílin:
:Grúppublogg:
...
:Aðrir bloggarar:
...
:Klukkan:
:Ýmislegt:
að skoða
:Ljósmyndatengt:
:Gamlar færslur:
- september 2003
- október 2003
- nóvember 2003
- desember 2003
- janúar 2004
- febrúar 2004
- mars 2004
- apríl 2004
- maí 2004
- júní 2004
- júlí 2004
- ágúst 2004
- september 2004
- október 2004
- nóvember 2004
- desember 2004
- janúar 2005
- febrúar 2005
- mars 2005
- apríl 2005
- maí 2005
- júní 2005
- júlí 2005
- ágúst 2005
- september 2005
- október 2005
- nóvember 2005
- desember 2005
- janúar 2006
- febrúar 2006
- mars 2006
- apríl 2006
- maí 2006
- júní 2006
- júlí 2006
- ágúst 2006
- september 2006
- október 2006
- nóvember 2006
- desember 2006
- janúar 2007
- febrúar 2007
- mars 2007
- apríl 2007
- maí 2007
- júní 2007
- júlí 2007
- ágúst 2007
- september 2007
- október 2007
- nóvember 2007
- desember 2007
- janúar 2008
- febrúar 2008
- mars 2008
- apríl 2008
- maí 2008
- júní 2008
- júlí 2008
- ágúst 2008
- september 2008
- október 2008
- nóvember 2008
laugardagur, nóvember 22, 2008
Rúsína heitir kisan á myndunum. Hún hefur ekki sést í þrjá daga og er sárt saknað á heimilinu. Hún er þrílit, svört, hvít og gul. Með svarta ól um hálsinn og á henni er stór sívalingur sem er innrauður ljósanemi til að opna kattalúgu. Þetta er kisan hans Óðins og það ríkir mikil sorg á heimilinu. Vonandi kemst hún í leitirnar.
1 comments
posted by Tinna @ 8:51:00 AM
o o o o o o o o o o o o o o o o
sunnudagur, nóvember 02, 2008
Æi vá hvað ég er orðinn lélegur bloggari....það er alveg spurning um slútt bara.
1 comments
posted by Tinna @ 9:51:00 PM
o o o o o o o o o o o o o o o o
fimmtudagur, október 23, 2008
Svona krepputal...
Það hefur aldrei verið jafn freistandi að pakka búslóðinni saman og stinga af úr landi. Þeir sem komu okkur í þessa stöðu gerðu það. Hvort á maður að sætta sig við það að borga margar miljónir til að koma föðurlandinu úr kröggum og lifa í fátækt í mörg ár eða pakka niður nesti og nýjum skóm og halda á vit ævintýranna? Við höfum oft talað um að prófa að búa í Sviss. Væri það ekki bara ráðið?!
En þrátt fyrir allt þá þykir mér afskaplega vænt um Ísland. Það eru svo margir staðir sem eru mér kærir. Uppáhaldsstaðurinn minn af öllum er líklega Kárahnjúkasvæðið. Snæfellið, Kárahnjúkarnir, Desjarárdalurinn og Sauðarárdalurinn. Hlykkjótti vegurinn inn eftir og snarbrött brekkan niður úr óbyggðunum.
Líka bara öll leiðin austur, Vík hefur sérstakan sess, líka Klaustur, Reyðarfjörður og Egilsstaðir. Nærtækari staðir er auðvitað Heklusvæðið, Rangárvellirnir, Eyjafjallajökull, Landeyjarfjaran, Rauðalækur og svo núna Hvolsvöllur. Hér finnst mér ég eiga heima. Ég hef eiginlega ekki upplifað það síðan á Rauðalæknum. Mér finnst ég komin til að vera. Hér býr líka svo flott fólk og frábær börn. Það yrði þá með mikilli eftirsjá sem ég færi héðan.
3 comments
posted by Tinna @ 8:52:00 PM
o o o o o o o o o o o o o o o o
miðvikudagur, október 15, 2008
Ég talaði einhvern tímann um það hér að ég ætti mér draum. Ég á nú framhalds-draum. Hann er um CANON 5D MARK II. Hún er ekki enn komin á markað. En mæ ó mæ...ég gæfi næstum fótlegg fyrir hana. Fyrir áhugasama...http://www.dpreview.com/previews/canoneos5dmarkII/.3 comments
posted by Tinna @ 12:55:00 PM
o o o o o o o o o o o o o o o o
föstudagur, október 10, 2008
Ég hlakka svo til í kvöld. Erum að fara á okkar þriðja sundnámsskeið á Selfossi. Vá hvað er erfitt að bíða.
Þetta eru myndir frá fyrsta námsskeiðinu. Þá var Óðinn 2ja og hálfs mánaða gamall.
Námskeið nr. 2. Þá var Óðinn 18. mánaða.
Sjáumst í sundi:D
2 comments
posted by Tinna @ 11:00:00 AM
o o o o o o o o o o o o o o o o
fimmtudagur, október 09, 2008
Fjöldi íslendinga hefur tekið hamförum undanfarna daga með miklu æðruleysi. Margir segja: ,,æ það reddast". Það er kannski bara hið besta mál.
En er það ekki einmitt þessi hefðbundni alíslenski hugsanaháttur sem hefur orsakað ástandið að hluta til?
Bankamennirnir hafa hugsað: ,,jújú þetta reddast allt saman". Samt skulda þeir margfalt meira en Ísland getur nokkurn tímann staðið undir. Ríkisstjórnin hlýtur að hafa vitað af þessu líka. Ætli þeir hafi bara hugsað: ,,Þetta hlýtur að reddast". Herra Haarde var farin að fiska eftir erlendum lánamöguleikum í júlí. Á síðustu stundu gera þeir svo eitthvað.
Enn þann dag í dag þegar ég vakna á morgnana hugsa ég að tíðindi undanfarna daga hafi bara verið slæm martröð. Ég á svo bágt með að trúa því að menn geti klúðrað svona svakalega. Það mátti svo sem búast við þessu. Kapítalisminn hlýtur alltaf að enda í einhverju svona klúðri. Það er því miður oft eðli mannsins að verða gráðugur og spilltur sé hann í þeirri stöðu að komast upp með það.
Það hlýtur vera fullt af fólki sem situr og hefur eingöngu það hlutverk að pæla í þessum hlutum. Hagfræðingar, viðskiptafræðingar, efnahagssérfræðingar, stærðfræðingar, sagnfræðingar og heill heillingur af fræðingum. Er það ekki örugglega þannig?
1 comments
posted by Tinna @ 1:14:00 PM
o o o o o o o o o o o o o o o o
þriðjudagur, október 07, 2008
Þegar ég fór að sofa átti ég allt mitt í einkavæddum Landsbanka. Þegar ég vaknaði í morgunn átti ég orðið allt mitt í nýjum ríkisvæddum Landsbanka Íslands. Svona gerast kaupin á eyrinni. Kreppuástandið virðist vera læða sér jafnvel hingað inn á Hvolsvöllinn friðsæla.
1 comments
posted by Tinna @ 8:25:00 AM